Young G SamBriu: Biografia

NOME : Anilton mas conhecidu pa Young G SamBriu.
Biografia
NOME : Anilton mas conhecidu pa Young G SamBriu. Un tem 20 anu, nasi na ilha di Sal, Criadu na Hortelan di Riba. Kantu un tinha 12 anu un imigra pa USA "Boston" undi kin bem incontra nhas pais ki djan tinha 6 anu sem odjas.

COMEÇO: "Un kumesa ta repa na verao di 2005. Enbora kel tempu la un catinha bom produson ma si me un ka para. Nhas musica ta xpresa sobri tudu kuzas ki djan vivi. I como djas nhos odja un kumesa ta compiti ku otus repars pan prova nha kabesa mas i mas. Un kria na musica des di pikinoti, ta canta na igreja. Un tinha gana di grava un son propi dimeu.Dipos kin bem merca nu tivi apoiu di nhas familia ki tinha kuzas di studio i fui asin ki un kumesa fazi musica.

Mi ku nhas irmon i primus forma un grupu ki tchoma "GR.Family" i nome di produson é GR.Records. Elementus di es grupu e Diabom SamBriu, P-Reaper SamBriu, Toja, Deny B, I Sydjy x7. Tudu nos tem diferenti stilu di fazi musica. Moda mi un ta varia nha flow na tudu tipu di beat. Podi ser rapidu o divagar. Un gosta di repa na badiu enbora mi e di Sal. Nos nu ta fazi di tudu un pouku, HiP HoP, R&B, Regaeton, Zuck, Kuduru.

Dipos di uns ano na musica mi ku nha irmon Diabom disidi na kria un movement na Hip Hop. Nomi kuazi monti alguen dja konxi "SamBriu Boys", pa nhos ki ka sabi signifikadu di kel palavra la e Sanpadjudu ku Badiu kun poku di briu. E fui criadu pa tres Grupu, GR.Family, BvB, CVM. Dja nu tene nos primeru mixtape disponivel na net pa kenha ki kre fazi download.

Primeiru mixtape kin lansa fui "Flow Pizadu Vol1". Kel mix tem 40 musicas na el..Tipu di musicas ta faria tcheu. Gosin un sta so na trabadja na un di kes midjor projectu ki djan fazi, "I'm A Problem vol1". Un ta spera ki nhos ta bem kurtil pmd djan poi tcheu isforsu na el. Un di kes musicas ki sta sei na mixtape sta na youtube "Mr.PunchLine" enbora e ka un son pusitivu ma kela e so un bokadinhu di kuza kin sta ta kuzinha na studio. kalker kuza e so nhos dan flow na facebook o twitter. I ka nhos skesi di tcheka son na youtube.....
" One pa Hip Hop Kriolu"

Comentários

pub